100分的攝影師 - Simon@KinInNature

http://comtools.esdlife.com/wedding_forum/viewtopic.php?t=291530

唔經唔覺做左阿太個幾月，當天的吵吵鬧鬧好似發左場夢咁，感恩當日事事都好順利。 

記得BIG DAY前做左好多功課，一世人一次想盡善盡美，但係又樣樣都係錢，ESD呢個平台幫左我好多。我都想將自己經驗同其他B2B分享下，首先打頭炮就係我的攝影師 - Simon @ KinInNature! 

其實響決定BIG DAY攝影的過程都有一段小插曲，我們當初好簡單天真地只係諗有個人幫我地影下全家福大合照就可以，搵個平平地啦，好快定左就無再理呢件事。 

之後無意中睇到舊同學的BIG DAY相片，點解咁sweet既？！望望之前定下的攝影師的作品，完全兩回事！再問問身邊朋友仔,原來不約而同都有留意Simon的作品，又或者係Simon的舊客仔。 

Simon有個很好的習慣，就係會在全部相執好可以出得俾客人前，不定時幾張幾張咁放出facebook，如是者我就不停留意住舊同學的相，甚至覺得已經參加過她的婚禮。然後，我開始動搖想幫襯Simon了。 

出奇地容易過到男人果關，木頭如他都看得出相片的分別，於是就直接聯絡Simon。有別於坊間很多都好hard sell自己的作品有多好，特別是知道我們是想換攝影師，Simon是先了解我們的要求，再陳述他會做到幾多，然後讓我們再慢慢考慮，整個過程都無壓力。 

BIG DAY當日Simon除了是一個十分稱職的專業攝影師，訓哂身又爬高爬低，還充當了大妗姐的角色，不停在旁幫我們製造氣氛，不時提點各樣細節，長老都好受落，影大合照時仲聽聽話話跟住擺pose，整個接新娘的過程都十分歡樂！ 

回想起當日晚宴時Simon陪著我們通場走同賓客影合照，我們讓他停下來的時間真的不多，其實也非常不好意思。送客後其實我們都已經累到不行，準備找數時Simon還活力充沛地幫我們多影幾張單獨的合照，我們暗暗地也在說他是真心愛攝影的！好多謝Simon！ 

即晚就已經在facebook見到自己的相，效率快到唔相信。現在陸陸續續都看了幾十張，都是滿滿的開心、甜蜜、温馨。不得不說Simon在捕捉最美最自然一刻真是十分出色！好期待整個婚禮全記錄的出品！ 

如果你地喜愛簡單自然風格的話，只要到上網search Simon KinInNature，就可以看到他的Facebook專頁同website啦。又或者直接add Simon的個人Facebook - Simon KinInNature Yeung，會有更多他的新作品~