KinInNature :: ESDlife Christa
Visits: 532 times
Last changed: Jul 02, 2012
1 photo in this album
 

 
ESD life post ﹣ 絕對值得推介,有PASSION的 Cam-man

我哋喺1月7號終於完成咗我哋嘅人身大事,準備嘅過程中呢度好多姊妹俾咗好多意見我,係時候到我幫下其他姊妹啦。籌備嘅過程,我哋最concern嘅就係cam-man,因為呢個係人身一個大好嘅project,製作時間好長,而要記錄低每一個畫面,人身最靚嘅時刻,感動嘅一刻,就要靠cam-man。 

搵個啱嘅人真係唔容易。相信你同我一樣喺呢度睇咗好多嘅資料,好多website, blog,朋友嘅介紹等等。而我哋嘅cam-man就係Simon@KininNature,佢係我屋企人幫我上網搵到的(因為我已經搵到有點放棄,一係無期,一係唔啱咀型,一係$$問題,真係煩到唔想再理 XD), 幸福有屋企人幫手 ^^ 一睇到佢d相就覺得好開心,好colourful。我同老公都好鍾意佢嘅style,好彩Simon佢有期呀~~ confirm嗰刻真係好開心呀!! 

BD前幾日, Simon打嚟問我哋準備如何,同我哋講下當日嘅細節等,叮囑我哋兩個要盡情享受每一個moment。話咁快就到BD,Simon同拍檔好早就到咗,開始影下我同d姊妹化妝,準備遊戲,兄弟佈置花車,玩遊戲敬茶等。。。影嘅過程佢經常會提我哋要enjoy every moment, 要注意嘅地方, 同埋我最 appreciate 佢會提我哋點樣會瘦d,會靚d, 有型d , hehe~~ 

有時只係一個普通嘅鏡頭,佢都捕捉得好靚,例如我d姊妹撒米嘅一刻,睇返d相好似雪景中擔遮咁,連媽咪同老爺奶奶都讚。而且當日仲可以同好靚嘅限量版綿羊仔影相,好開心,d相影得好靚,好溫馨。 

之前同Simon講過我想同兄弟姊妹團影多d合照, 喺大會堂註冊後發現時間不足,去唔到我哋希望影嘅1881, 有D失望但無得選擇啦。正準備放棄,點知Simon望下望下大會堂附近嘅空地,度下位置同角度,話可以嚟個快影,結果立即call back 所有上咗車嘅兄弟姊妹,最終成功同十幾人嘅兄弟姊妹團影返張大陣容合照,一字排開~~勁呀。大家睇返相都話正,Facebook仲大把人like tim XD 

去到酒樓雖然只係企定定影相,好似無咩難度,但如果無一個好嘅攝影師,無咗不斷嘅提點小tips,其實好容易出現一對新人企歪咗,又或者阿B遮咗阿E影響到阿C,一句簡單嘅說話令到大家流露自然嘅笑容,個個影嗰時唔知,之後睇相先發現就已經太遲啦! 

由March-in到敬酒,不斷嘅snap shot都係我地之前想要嘅嘢,效果出到嚟俾我地預期嘅好好多,因為其實Simon都好老實一早同我地講定,snapshot嘅質素唔係完全由佢控制,因為大家嘅反應同表情係由心而出,越多嘅 touching moment同 face, 影到嘅機會就自然大啦!晚宴嘅時間對一對新人嚟講會過得好快,好多現場發生過嘅趣事,happy moment,佢地可以完全唔知,可以細味返嗰過程,就要靠呢D珍貴嘅snapshot. 

結婚後shareD相俾親戚朋友睇,大家除咗都會好開心講返當日嘅精采時刻,同時都好欣賞D相嘅質素,顏色好sharp。同時老一輩嘅始終鍾意晒張相出嚟,過埋膠留為紀念,原來晒出嚟同喺電腦睇,出嚟嘅質素都絕對好,睇得大家好開心,我哋好慶幸有緣遇到呢位咁投入嘅攝影師 ,希望以上嘅comment幫到大家啦!
_MG_1260
_MG_1260
Viewed: 263 times.


8 0.00047779083252 0.0431849956512