有heart又nice的freelance攝影師Simon (喜自然)

http://comtools.esdlife.com/wedding_forum/viewtopic.php?t=270213

上個月終於都完成了婚禮，由籌備到完成歷時差不多一年，現在終於都輕鬆曬！之前一直都唔知去邊度搵攝影師好，幸運地有朋友年中做完姊妹，極力地推介當日的攝影師Simon給我地，再睇過Simon為其他新人影嘅相，感覺很著重自然和有創意，能捕捉新人彼此開開心心的感覺，這就是我們想要的那種style…..和他簡單地通了一個電話之後，就決定用Simon喇，最重要是價錢好合理呢！ 

當日Simon全程都好落力幫我地影好多相，仲教我地擺Pose，影出來好自然，真系好專業好細心。拍攝時偶爾會碰上其他也在拍照的新人，對比Simon爬高瞓地、嘗試不同的角度，那份真誠和人家攝影師很standard的態度顯然立見！最深刻是當我們完成註冊程序從禮堂步行出來時候，Simon安排來觀禮的親朋戚友排在走廊兩旁不斷拍掌迎接我們出來，就像全世界都在祝福我們…..那一刻實在是太感動了！ 

而且Simon亦好識搞氣氛，講D好意頭說話令到老人家們都非常開心，見到佢地笑得好燦爛，每一位都好enjoy。收到相片之後，影出來效果好好，家人都非常滿意 (佢有部分仲幫我影到好似在外國影咁架 ^o^)。最喜歡他可以捕捉到我地最發自内心的笑容，如玩兄弟時的傻笑、大笑，我雖然睇唔到成個過程，睇番啲相都知道過程係幾咁搞笑~ 

在婚禮完了當晚，他還立即放幾張相上facebook俾我們先睹為快，效率認真一流！之後差不多日日也有靚相睇，拍出來的相很有創意，有驚喜！效果有別於其他攝影師的大路作品，拍得我們同親朋戚友們都好靚，很溫暖很自然，實在很喜歡！ 

很感恩能找到一個如此有heart，對攝影有要求，也識搞氣氛的人作為我地的婚禮攝影師！他所表現出來的專業和passion令我地為之感動。藉此再一次多謝Simon的努力！ 

(其實我很少寫comment，今次是因為覺得Simon是值得推介俾要為結婚作準備的朋友而寫的！) 

Anmie and Emdrew 

大家可睇下佢個blog: 
https://www.fotop.net/KinInNature/Wedding 

Facebook name: 
Simon KininNature Yeung